話說頭先真係好on9，我收工果陣行去搭車，突然間有人拍咗我背囊一下。
蛋：喂～我之前幫襯過你架！
瘋：係咩？多謝支持呀！
（其實我對呢個人零印象 但係我本身都有少少面盲症咁 唔係好記到人嘅樣 就9應咗先）
蛋：上次紅色果個好用呀！
瘋：紅色？龍血呀？
（我以為佢應該係講龍血精華或者面膜 因為平時喺門市啲客都會話紅色果個…）
蛋：龍血？我唔知個佢牌子名喎，個震蛋ok呀！
（我真係忍唔住噴笑咗出嚟😂）
瘋：喂 你認錯人啦！我賣護膚品㗎！HAHAHAHAHAH…
佢一臉茫然咁望住我，我bye9咗佢就走咗了…
#乜我個樣好似賣情趣用品咩
#大佬呀好用都唔洗喺條街同人相認呀
#由紅色到龍血跳去震蛋爭啲笑到要執返晒啲內臟
Search